හරි පුදුම ආප්පේ..

දහයට හැම තැනමත්
දෙසීයට එක තැනකත්
ගන්න තියෙන


බිත්තර දමන
ප්ලේන් දමන
ඉඳලා හිටලා
ප්ලාස්ටර් පැරිස් නොදමන

සමහරු ලුණු මිරිස් ද,
තව සමහරු සීනි ද,
එක්ක
බස බස ගා 
අඹරන , සූ සූ කියන 
දුම් පිඹින

කෙහෙල් ගෙඩියකින්
උණු උණු ප්ලේන්ටි යකින්
කාලා හමාර කරන

මොනා වුනත්
පහුවෙනිදා උදේ වෙනකොට
එලටම දිරලා තියෙන 

නෝමල් අපි හැමෝම කන 
ආප්ප 

වගේද

බිත්තර දමා 

තිබිලා තිබුන

ප්ලාස්ටර් පැරිස් ද 

වෙන මොනාහරිද 

දැම්මාද කියලා

කවුරුත් නොදන්න

ප්ලේටියකින් ඉවර

කරලා තිබිලා තිබුන

මොකක්දෝ එහෙකට ,

කාලා හමාර වෙලා

අට මාසයක් ගෙවිලාත්

එක ඇබින්දක් ,කුඩක් හෝ 

ඉරක්වත් තිතක් වත්

දිරලා නැති

එතුමා කෑ 

හරි පුදුම ආප්පේ..