2019-04-17

2020 රට කාටද ? අනාවැකියක් ....


කාලාන්තරෙකට පස්සේ ලියන පලවෙනි පොස්ටුවෙන් විභීෂණ මේ සූදානම් වෙන්නේ ලැස්ති වෙන්නේ එක්තරා ආකාරයකට අනාවැකියක් කියන්නට ය.
එත් මේ  රටේ දේශපාලනේ ගැන නාඩියෙන් ඉන්න එවුන්ට නම් විශේෂයෙන්ම අපේ කාව්‍ය සිරෝමනි, දේශපාලන බ්ලොග් විචාරක මාතලන් වගේ ඩයල් වලට නම් මේක  මහා අමුතු , පුදුම සහගත ඇඟේ මයිල් කෙලින් වෙන ආරංචියක් නොව මේ  වෙනකොට ඉස්තීරෙන්ම  දන්නා , ඉර හඳටත් වඩා බුදු ෂුවර් අනාවැකියක් බව කියන්නට ම ඕනෑය.

2019-03-17

මේ ඇහුනා දෝ...

අඩේ..
කෝ කවුරුත් නැද්දෝ...
මං මේ විභීෂණ..
ඔව් ඔව් ...
අර කාලෙකට කලින් 
බ්ලොග් ලිය ලිය ඉඳලා 
අතුරුදහන් වුනේ....
මං මේ බුකියේ හිරවෙලා ඉඳලා 
ආපහු ආවේ බොලන් ..
උඹලා ව දැක බලා ගන්නය කියලා..
මේ 
උඹලා තාම බ්ලොග් ඇතුලේ ඉන්නවදෝ...
පොඩි සද්දයක්කත් 
දාපල්ලකෝ බන්...
මෙහෙම තනියම ඉන්න බැහැ බන්..
කෝ..


2018-09-23

තරු හතේ ප්‍රජාතන්ත්‍රවාදය හෙවත් අම්මගේ රෙද්ද


ප්‍රජාතන්ත්‍රවාදය කියන කාරණාව අරගෙන බැලුවොත්  රටක්ම මෛත්‍රීපාල සිරිසේන රනිල් වික්‍රමසිංහ  ගේ පෙරමුණට ඡන්දේ දුන්නේ වෙන මොකක්වත් හින්දා නොව ඊට කලින් තිබුනේ රාජපක්ෂලාත් එයාලගේ ලැට් වඩන නිලමේලාත් වටකරගෙන හැදිච්ච අන්ත තුප්පහි මජරවාදයක් නිසාය.
දෙදාස් දහතුන වගේ වෙනකොට ඔය මජරවාදේ ඉහවහා ගිය තත්වෙට වැටුනේ ය.
වෙන වචන වලින් කිව්වොත් ලොක්කා  හිටගෙන කරද්දී ගෝලයෝ දුව දුව කරන තැනට පත්වුණේය.

රටම එක ලොකු පාතාලයක් බවට පත්වුණේය.

ඕවා දැන් අවුරුදු තුනක් විතර පරණ , එක්ස්පයර් වෙච්ච සුරංගනා කතා ය.


2018-01-15

ශ්‍රී ලංකා, යූඇන්පී ,ජේවීපී ,ගූ ගඳ, පඩ ගඳ සහ පුංචි චන්දය

ලංකාවේ දේශපාලනේ හැමෝගෙම ඔලු ඇතුලේ මේ වෙනකොට  ප්‍රශ්නය වෙලා තියෙන්නේ මෙදා පාර ගමේ ආණ්ඩුව දෙන්න ඕනා කාටද කියන එකය.
කාලයක් තිස්සේ ශ්‍රී ලංකා එකට  හෝ  යූඇන්පී එකට ඡන්දේ දීපු  දෙගොල්ලොම මේ වෙනකොට අවංකවම ඒ  ප්‍රශ්නේ ට හරි උත්තරේ තෝරාගන්න බැරුව පඹ ගාලක පැටලිලා ය.

2018-01-03

අවසන් ගමන් ගියෙමි | End of the Journey

පහුගිය අවුරුද්ද පුරාවට  බුකිය ඇතුලේ කරක් ගහපු මේ විභීෂණ ට ආපහු පාරක් බ්ලොගට එන්න ලොකු උවමනාවක් තිබුනා වුනත් විවිධාකාර සීන්කෝන් නිසා ඒ කාරණාව දවසින් දවස කල් ගියේය.
අවුරුද්දේ අන්තිම පොස්ටුවෙදී පවා මේ කාරණාව කියලා දැම්මේ බ්ලෝග අමතක වෙලා නැහැ කියන එක පෙන්නන්නය.

2017-12-30

2017

2017, විභීෂණ ට නම් අන්තිම අප්සට් අවුරුද්දක් විය.
පෞද්ගලිකව කලකිරෙන සිද්ධි දෙක තුනක් නිසා වෙන අවුරුදු වලට වඩා 2017 නිශ්ශබ්ද ව ඔහේ ගලා ගිය අවුරුද්දක් විය.

2017-10-01

දැනුනා Iraj

 
ඉරාජ් ආපහු හිට් වෙලාය.
වෙන එවුන් සංසාරෙට එක සැරයක් වගේ හිට් වෙනකොට එක නිවුස් එකක් වුනාට ඉරාජ් හිට් වෙන එක අපිට අමුත්තක් නොවෙන්නේ ඉරාජ් කොහොමත් හිට් වෙච්ච කැරැක්ටර් එකක් නිසාය.

2017-06-11

යහපාලනේ විද්‍යාත්මක ආතල් එක

ලෝක දේශපාලනේ ට අනුව "යහපාලනය " කියන්නේ Good Governance වලට වුනාට මේ සිරි-ඉල්ලංකාව  ඇතුළේදී ඒක එහෙම නොවෙන වග මේ වෙනකොට ඕනෑවටත් වඩා ඔප්පු වී හමාර වග  අවුරුදු දෙකක "යහපාලන" කල්ක්‍රියාව අහපු දැකපු ඕනෑම කෙනෙක්ට තේරුම් යන දෙයක් බව කියන්න අමුතුවෙන් අවශ්‍ය නැත. ඕනා තරම් සාක්ෂි නිදර්ශන ආණ්ඩුව විසින්ම සපයා ඇත.

2017-06-03

විශේෂ නිවේදනයයි....

අනෙකකාකර ප්‍රශ්න සහ වැඩ රාජකාරි නිසා විභීෂණ නොදැනුවත්වම බ්ලෝග අත ඇරී යාම හේතුවෙන් මේ වනවිට පැහැදිලි සයිබර් තර්ජනයකට ලක්වී ඇත.

"ගුටි නොකා බ්ලෝග ලියාපිය" කියා ලිඛිතවම පණිවිඩයක් ලැබී ඇත.

ඩිජිටල් අවකාශය ඇතුලේ ප්‍රසිද්ධියේ ගුටි කෑමට හෙවත් "සයිබර් ගුටි ප්‍රහාරයකට " ලක්වීමට තිබෙන බිය නිසාම විභීෂණ ගේ මේ සූදානම නැවත දේවාලයට වඩින්න ය.

මකුළුවනේ, දැන් ඉතින් පලයව් වෙන තැනකට.
ආපහු දේවාලේ වැඩ පටන් ගන්න යන්නේ.

නැත්තන් අරකි ඇවිත් මගේ බෙල්ල විකයි යකුනේ...