කුහකයිනි, පවු නොදී ගෙදර පල

SAITM එකට සහ  ප්‍රයිවට් කැම්පස් වලට විරුද්ධ ව රෙද්ද උස්සන් දගලන කැම්පස් හැත්ත වෙත  ලියන වගයි,

තොපි ඊයේ පෙරේදා කොළඹ දී උද්ගෝෂණ ය කරන්න ගිහින් ඉල්ලගෙන කාපු හැටි අපි හොඳ හැටි ගෙදරට වෙලා ටීවී එකෙන් නැරඹුවෙමු. තොපි  ගුටි කාපු හැටි වතුර නාපු හැටි දැකලා " අනේ මේ අපේ අහිංසක දරුවෝ නේද කියලා " එක තප්පර්රෙකට විතර පුංචි දුකක් ඇති වුනත්  තොපි  ඒ උද්ඝෝෂණය කරන්න ආපු හේතුව අහපුවාම කලින් පහල වෙච්ච  දුක සේරම නැති වෙලා "තව ගහපිය ඔය ඊරිසියා කාර හැත්තට" කියලා හිතුනු බව අවංකව ම කියන්නේ  ඒ එවෙලේ තොපි  ගැන ඇතිවෙච්ච් ඒ කේන්තිය නිසාමය.

තොපේ උද්දච්ච කම කොච්චරද කියනවා නම් තොපි හිතන් ඉන්නේ තොපි  තරම් උගත්තු මේ රටේ නැතිය , තොපි තරමට ඉගෙන්න ගන්න වෙන කාටවත් බැරිය කියලා ය.

තොපි කොයිතරම් ඊරිසියාකාරද කියනවානම් තොපි හිතන් ඉන්නේ තොපි වගේ ආණ්ඩුවේ කැම්පස් යාගන්න බැරිවෙච්ච් එවුන්ට උපාධි ගන්න , ඉංජිනේරුවෝ වෙන්න දොස්තරලා වෙන්න බැරි ය , උඹලා  එක්ක හරි හරියට වැඩ කරන්න උන්ට අයිතියක් නැතිය සහ හැම දේම කර ගන්න උන් තොපේ කකුල් ගාවට ඇවිත් "අනේ සර්" " අනේ මැඩම් " කියාගෙන එන්න ඕනා කියලා ය.

කොටින්ම කිව්වොත් තොපි හිතන්නේ අධ්‍යාපනයසහ එකේ ප්‍රතිලාභ  කියන්නේ තොපි විතරක් ලබගන්න ඕන දෙයක් කියලා ය.

මම නම් හිතන්නේ තොපි  වගේ උද්දච්ච කමින් පිරිච්ච , ඊරිසියා කර රැළක් රටේ මනිස්සුන්ගේ බදු මුදලින් නඩත්තු වෙන කැම්පස් වලට රිංගා ගැනීම රටෙත් ජාතියේත් අවාසනාවට සිද්ධ වෙච්චි දෙයක් විදියට ය.

තොපිට වගේ ලොකු ලොකු රෑන්ක් ගහන්න බැරි වුනාට , රෑන්ක් ගහලා ආණ්ඩුවේ කැම්පස් වලට රිංගගෙන නොමිලේ ඉගෙන ගන්න බැරි වුනාට , ඉගෙන ගන්න, කැම්පස් අධ්‍යාපනයක් ලබන්න උපාධියක් ගන්න ආසාව තියෙන කොහොම හරි කරලා මොනා හරි කරලා සල්ලි ටිකක් වියදම් කරන්න පුළුවන් කොල්ලෙක් කෙල්ලෙක් ඉගෙන ගත්තාම, උපාධියක් ගත්තාම තොපේ කොහේ හරි  කසනවා ද? කොහේ හරි රිදෙනවා ද?
අපිට අහන්න තියෙන්නේ ඒ වග ප්‍රශ්න කීපයක් ය.

සල්ලිත්  වියදම් කරලා අවුරුදු ගානක් කැප කරලා ඒ කියන්නේ සරල ව කිව්වොත් තොපිට වඩා කැපකිරීම් කරලා ඉගෙන ගෙන දිග්‍රියක් ගහපුවාම තොපිට කොහෙවත් අමාරුවක් හැදෙන්න්න හේතුවක් නැත.

අපි කියන්නේ කරුණාකරලා උන්ට උන්ගේ ඩිග්‍රිය පාඩුවේ කරගන්න ඉඩ දෙන්න කියලා ය.තොපි එතෙන්ට ගොහින් රෙන්න දඟලන්න උවමනා නැත. ඒ කොල්ලෝ කෙල්ලෝ වියදම්  කරන්නේ තොපිට හම්බෙන මහපොළ සල්ලි නොව උන්ගේ අම්මලා තාත්තලා හම්බුකරපු සල්ලි බව ඔක්කොටම කලින් තොපි මතක තියාගත යුතුය.

අනිත් කාරණේ , තොපි නිකම් ගන්න ඩිග්‍රි වගේම අර කොල්ලෝ කෙල්ලෝ සල්ලි වියදම් කරලා ගන්න ඩිග්රිත් ලෝකේ පුරාම පිළිගන්නා බව ය. ගොඩක් වෙලාවට තොපේ ආණ්ඩුවේ ඩිග්රි වලටත් වඩා පිළිගැනීමක් එව්වාට තියෙන බවය.
තොපි සහ තොපේ රැල එව්වා පිලිගන්නවා ද නැද්ද කියන එක බල්ලෙක්ට තියා බලු මැක්කෙක්ට වත්  එතකොට අදාළ වෙන්නේ නැත. 

ඒ වගේම සයිටම් එකෙන් එලියට එන දොස්තරලා ගෙන් බේත් ගන්න අපේ ජීවිත ගැන විශ්වාස කරන්න බැරි බව තොපි   කිව්වට අපි ඒගැන ඒ තරම් ලොකුවට හිතන්නේ නැත.
ඒ අදටත් ආණ්ඩුවේ මෙඩිකල් ෆැකල්ටි වලින් එලියට ආපු දොස්තරලා ඕන තරම් වැරදි බේත් දෙන නිසාත්, ඕන තරම් මිනිස්සුන්ගේ හොඳට තියෙන අතපය කපන බවත්, ලෙඩ්ඩු කොච්චර අමාරු වෙලා හිටියත් ස්ට්‍රයික් කරන කොට එව්වා මතක නැති බවත්  අපි හොඳහැටි අත්දැකලා තියෙන නිසා ය. තොපි කියන ඒ අනතුර අදටත් අපි ඒ විදියටම විඳින්න අපි වාසනාවන්ත වී ඇත,

ප්‍රයිවට් කැම්පස් ගැන තොපේ ඊරිසියාවට මූලිකම හේතුව නම් තමුන් ලබාගත්තු දෙයක් තව කෙනක් ලබා ගන්නවා දකින කොට ඇස්වලටකටුඅනින්නා වගේ දැනෙන නිසා ය.
ප්‍රයිවට් කැම්පස් තියෙන්නේ අපේ රටේ කැම්පස් වලින් ගවු ගානක් ඉසස්රහින් නිසා එව්වයින් එලියට එන්නේ තොපිට වඩා ගොඩක් උගත් , ගොඩක් බුද්ධිමත් එවුන් බවත් එතකොට ජොබ් මාකට් එකේදී තොපිට වඩා ප්‍රයෝරිටි උන්ට ලැබෙන බවත් අපි මෙන්ම තොපිත් සහසුද්දෙන්ම දන්නා කාරණයක් ය. මහා ලොකුවට අපි තමයි රටේම උගත්තු, අපි තමයි වැඩකාරයෝ කියලා කිව්වාට තොපිට තකොට හුළං ය.
උම්බ්ලා ඔය ප්‍රයිවට් කැම්පස් වලට විරුද්ධ වෙන්නේ ඔන්න ඔය  භීතිය නිසා ය.

මහා ලොකුවට "නිදහස් අධ්‍යාපනේ රැකගනිවු" කියලා රෙද්ද උස්සන් බෙරිහන් දුන්නට ඒ රෙද්ද උස්සනකොට තොපේ හෙළුව පෙන බව  අපි නම් ඕනෑවටත් වඩා දන්නා නමුත් තොපි දන්නේ නැත.

තොපි හිතන්නේ මාර වැඩක් කලා කියලා ය. ඇත්තම කිව්වොත් ඉතින්තොපේ අහවල් එව්වා තොපිත් නොදක අපි දැකීම මාරම වැඩක් තමා ය.

නිදහස් අධ්‍යාපනේ රැකගන්න පාරවල් ගානේ ජෝගි නටලා බැරිය. එක රැකගන්න නම්  බල්ලෝ වගේ පාරවල් වල රස්තියාදු නොවී එක හරියට ලබා ගන්න ඕනය. එහෙම අධ්‍යාපනය ලබාගෙන රටට වැඩක් කල යුතුය.
නිදහස් අධ්‍යාපනය කියලා එකක් රටට හඳුන්වා දුන්නෙත් ඔය නිසාමය. නැතුව එක එක බල්ලට රෙන්න නොවය.

මේ රටේ මිනිස්සු තමුන් හම්බ කරන සොච්චමෙන් බදු ගෙවන්නේ තොපි ඔය මහලොකුවට රකිනවා ය කියන " නිදහස් අධ්‍යාපනේ ටත් " එක්කමය.
ඇත්තම කිව්වොත් බදු ගෙවන අපි කරන්නේ නිදහස් අධ්‍යාපනය රකින එකය . ඒක එහෙම වෙනකොට තොපි කරන්නේ පාරවල් ගානේ රස්තියාදු වෙවී,  සක්කිලිකම් කර කර කර නිදහස් අධ්‍යාපනය ට කෙලින එකය. ඒ මදිවාට තමුන්ගේ සල්ලි  වියදම් කරගෙන ඉගෙන ගන්න එවුන්ටත් කෙලින්න හදන එකය.

ඔච්චරටම "නිදහස් අධ්‍යාපනේ " ඕන නම් තොපි ආණ්ඩුවට විරුද්ධව උද්ඝෝෂනය් කරන්න ඕනේ තොපේ කැම්පස් වල තියෙන අධ්‍යාපන අවස්ථා වැඩි කරන්නය කියලා ය. ලෝකේ කැම්පස් රෑන්ක් වලින් ගවු ගානක් පහලින් තියෙන ලංකාවේ කැම්පස් ටික නග්ගන්න වැඩපිළිවෙලක් කරන්න ය කියලා ය. එහෙම නැතුව කොහෙවත් තියෙන ප්‍රයිවට් කැම්පස් වහන්න කියලා නොවේය.
ආණ්ඩුවට ඇහුම්කන් නොදී බැරි වෙන තැනට ඔය ජාතියේ උද්ඝෝෂණය කරන්න තොපිට පුළුවන් නම් ගොඩක් වටිනවා ය.

එත් තොපි එහෙම කරන්නේ නැත.

ඇත්තම කිව්වොත් තොපිට එහෙම දෙයක් කරන්න තරම් හයියක්, කොන්දක් නැත.
ඒ තොපේ කොන්ද අර ඔස්ට්‍රේලියාවට පිටුවහල්  කරලා ඉන්නරතු පාහරයායි උගේ බත්ගොට්ටෝ රැලයි  එකතු වෙලා හරි අපූරුවට අයින් කරලා තිබීම නිසාය.
උන් කියන දේවල් වලට විතරක් ටියුන් වෙන විදියට තොපේ මොළ හරි අපූරුවට හෝදලා තියෙන නිසාය.

ඒ මොනා වුනත් තොපිට සිද්ධ වෙලාතියෙන ඒ දේවල්  වලට අපි හෝ වෙන එවුන් වග කිව යුතු නැත.

අවසාන වශයෙන් කියන්න තියෙන්නේ මෙච්චරය.

තොපි ලොකු ලොකු රිසල්ට්ස් අරගෙන කැම්පස් වලට යනකොට තොපි ලබාගත්තු චාන්ස් එක ලබාගන්න බලාගෙන තව නංගිලා මල්ලිලා පිරිසක් එළියේ ඉන්න බව තොපි මතක තියා ගත යුතුය. ඒ තරම් වටිනා චාන්ස් එකක් ලබාගෙන තියාගෙන කරන්නේ මේ වගේ පාහර  වැඩ නම් තොපි සෙල්ලම් කරන්නේ තව අහිංසක සහෝදර කැළ කගේ  බලාපොරොත්තු එක්ක බව නොකියාම බැරිය.

ඒ නිසා, අනුන්ගේ අධ්‍යාපන අයිතියට ගරු නොකරන, ඊට අකුල් හෙලන ඊරිසියාකාර, උද්දච්ච කුහකයිනි, කරුණාකරලා නොමිලේ දෙන අධ්‍යාපනයෙන් හරියට ඉගෙන ගනිවු, තොපිට එහෙම ඉගෙන ගන්න බැරිනම් පුළුවන් එකෙක්ට අවස්තාව දීලා පවු නොදී ගෙදර පලයව්..