PET SCAN එකක් ගත්තා වගේ නෙමේ

දෙරණ සැට් එකයි තව තව ආයතන කීපෙකුයි මුළු ලංකාවේම මිනිස්සුයි එකතු වෙලා මහරගම පිළිකා රෝහලට රුපියල් වලින් කොටි විස්සක් වටිනා පෙට් ස්කෑන් යන්ත්‍රයක් ලබා ගන්න කරපු දීප ව්‍යාප්ත ආධාර එකතු කිරීමේ ව්‍යාපාරය සාර්ථක වුනාය කියන ඒ ඇහැ අගට සතුටු කඳුළු බිඳක් එක කරන ඒ නිවුස් එක පහුගිය දවස් ටිකේ කණට වැටුනේ ය.
දෙරණ කරන ගොඩක් දේවල් ගැන විවේචන තිබුනත් මේ වැඩේ ගැන නම් විභීෂණ එකෙන්ම දෙරණට රෙස්පෙක්ට් කරන්නේ ය.



දුප්පත් පෝසත් කම අනුව ලෙඩ රෝග පැමිණෙන්නේ වැළඳෙන්නේ නැත.
දුප්පත් පෝසත් කම අනුව කෙනෙක්ට වැළඳුනු පිලිකාවක භයානක කම තීරණය වෙන්නේ ද නැත.
එත් පිළිකාවක් වැළඳුනු කෙනෙක් තව කොච්චර කල් ජීවත් වෙනවා ද නැද්ද යන්න බව පමණක් එක්තරා දුරකට ඒ පුද්ගලයාගේ දුප්පත් පෝසත් කම මත රඳා පවතින්නේය.

ලෝකෙන්ම උතුම් රට කියලා උදේ හවා මතුර මතුර ඉන්න මේ රටේ තාමත් ඉතා සුළුතරය කට හැරෙන්න බහුතරයකට ප්‍රයිවට් හොස්පිටල් දිහා හැරිලා බලන්නවත් තරම් වත්කමක් නැත. ඒ අතරින් සමහරුන්ට ආණ්ඩුවේ ඉස්පිරිතාලෙන් දෙන බෙහෙත් තුණ්ඩුව පාමසියෙන් ගන්න තරම් වත් හැකියාවක් නැත.

සෞඛ්‍ය ඇමති වරු වගේ ලොකු ලොකු කෙරුම් කාරයින්ට  හදිස්සියකට ගිහින් එන්න පිටරටවල් වල ඉස්පිරිතාල තිබ්බාට උන්ට ඡන්දේ දීපු , ඡන්දේ දීලා ඔය තැන් වලට යවාපු  අපි එකෙක් ටවත් ඒ වරම නැත.

ඉතින් ඒ වගේ රටක ඉන්න තමුන්ට පිළිකාවක් හැදුනොතින් එහෙම පෙට් ස්කෑන් එකක් කරගන්නවා කියන්නේ සාමාන්‍ය මිනිහාට නම් හීනයක් විතරය.

අම්මකුට තාත්තෙකුට දරුවෙක් ද, දරුවෙකුට අම්මෙක් හෝ තාත්තෙක් ද , තවත් සමහරුන්ට අයියෙක්, එකක් හෝ නංගියෙක් මල්ලියෙක් අහිමි වන්නේ මෙන්න මේ හීනය හැබෑ  කරගන්න බැරිවෙනකොටය.
ඒ හැබෑ කරගන්න හිතනවත් බැරි හීනේ හැබෑ කරගන්න දෙරණ යි ඒ අනිත් ආයතනයි එකතුවෙලා රටම අවදි කරපු ඒ පින්වන්ත වෑයම රටක් විදියට සහ අර කලින් කියපු සාමාන්‍ය ජනතාව කියන ගොඩට වැටෙන අපි ඉතා සිතින් අගය කල යුතුය.

කොහොමෙන් කොහොම හරි සම්මාදම් වෙච්ච හැමෝටම පිං සිද්ධ වෙන්න්න කියලා පෙට් ස්කෑන් එක ට ඕන කරන ගාන හොයාගෙන අහවරය.
තව ටික දවසකින් මහරගම ඉස්පිරිතාලෙට ඔය කියන මැෂින් රාජයා කොහේ හෝ රට සිට වඩිනවා ඇත.
පිළිකා වලින් දුක් විඳින අයට වගේම පිළිකා වල මුල් අවධිවල ඉන්න අයටත් තව එක දවසක් හරි වැඩිපුර මේ ලෝකේ ජීවත් වෙන්න ඔය කියන මැෂින් රාජයා පිහිට වෙනු ඇත.

එත් විභීෂණ ට පෙනුණු එක ප්‍රශ්නයක් ඇත.
ඒ කියන්නේ ඔය කියන මැෂිම ගේන්නේ ආණ්ඩුවේ ඉස්පිරිතාලෙකට ය.
එත් ඔය ආණ්ඩුවේ ඉස්පිරිතාල වල සෞඛ්‍ය සේවේ ඉන්න බහුතරේ යක්ෂයින් ය. මීට අවුරුදු දෙහෙකට විතර කලින් ආණ්ඩුවේ තියෙන්නේ යක්ෂ සවුක්කියක් කියලා කිව්වේ අන්න ඒ නිසා ය.උන් දන්නේ ලෙඩුන්ගේ ලේ උරා බොන්න ය ලෙඩ්ඩුන්ව පන පිටින් මරන්න ය.
ඔතනදී දොස්තරද, නර්ස් ද ඇටෙන්ඩන්ට් ද සුළු සේවකයා ද කියලා වෙනසක් නැත.
හැමෝම තමුන්ගේ රස්සාවට ගැලපෙන විදියට ලේ උරා බොන වැඩේ ජයටම කරගෙන යන්නේය.

පඩියයි, අර දීමනායි මේ දීමනායි පැන්ෂන් එකයි සේරම කොටා ගන්න මේ හැතිකරේ පොඩ්ඩ එහා මෙහා වෙනකොට වැඩ වර්ජන කරන්නේ තමුන් යක්ෂයින් මිස කිසිදා මිනිස්සු නොවන බව ඔප්පු කරන්න වගෙය.
උන්ට ලෙඩෙක්ගේ ජීවිතය පයිසයක් වටින්නේ නැත.
මිනිස්සු කොච්චර බෙහෙත් නැතුව මළත් උන්ගේ රෙද්දේ වෘත්තීය අයිතිවාසිකම් රැකෙනකන් උන් බෙහෙත් දෙන්නේ නැත.
කොටින්ම තමුන්ගේ ලාබාහය වෙනුවෙන් මිනීමරන මිනීමරුවන් ය.

ඉතින් ඒ විදියට බලපුවාම රටෙ මිනිස්සුන්ගේ සල්ලිවලින් අමාරුවෙන් ගත්තු පෙට් ස්කෑන් එකත් කවද හරි දවසක මේ වගේ යක්ෂ සේනාවක වැඩ වර්ජනයක් හින්දා නතර කරන වුනොත් සහ ඒ හින්දා අසරණ මනුස්සයෙකුගේ ජීවිතයට තරජනයක් වුනොත් මොකද කරන්නේ කියලා අනිවා ප්‍රශ්නයක් මතු  වෙන්නේය.

සම්මාදම් වැඩේට තඹ දොයිතුවකින් වත් උදව් නොකරපු දේශපාලුවෝ එක බල්ලෙක්වත්පෙට් ස්කෑන් එක ඕපන් කරන දවසට ඉස්පිරිතාලේ හතරමායිමේ පස් පාගන්න නොදිය යුතුය කියලා මේ දවස්වල බුකියේ  සෑහෙන බරපතල කැම්පේන් එකක් යනවා විභීෂණ ටදකින්න ලැබුනේය.

ඉතින් ඒ චැලේන්ජ් එක වගේම විභීෂණ කරන යෝජනාව වෙන්නේ පෙට් ස්කෑන් යන්තරේ අයිතිකාරයින්ට ටත් පෙට් ස්කෑන් එකත් එක්ක සෙල්ලම් කරන්න බැරිවෙන්න ත් මොකක්හෝ දෙයක් කරන්න ඕනය කියලාය.

එක්කෝ ඔය මැෂිම ක්‍රියාකරවන එකා රටේ මිනිස්සු වෙනුවෙන් සේවයක් කරනවා කියලා හිතා ගෙන ඒ වැඩේ හරියට කරන්න ඕනය. ඌ එක දන්නේ නැත්තන් එක උගන්නන්න උවමනාය.

එහෙම නැත්තම් ඔය මැෂිම අරන් දීපු අපි ඉදිරිපත් වෙලා ඕක රට වෙනුවෙන් රැක ගන්න ඕනය. එක ගස් බල්ලෙකුට්වත් ඔය මැෂිමට කෙලින්න, එකේ වැඩ නතර කරවන්න දෙන්න නරකය.
එහෙම කරන එකෙක්ව හරි දැක්කොත් සෙරෙප්පුවකින් හරි දමලා ගහන්න අපි නිර්භීත විය යුතුය.

එහෙම නැත්තන් වෙන්නනේ මේ යක්ෂ සේනාව ඉස්ට්‍රයික් කරන කරන දවසට පෙට් ස්කෑන් එකත් ක්‍රියා විරහිත වීමය.එක ක්‍රියා විරහිත වුනොත් සහ පාවිච්චි නොකලොත් සහ ඒ හේතු හින්දා මනුස්සයෙක් මළොත් එහෙම කෝටි  විස්සක් දීලා ඔය ජාතියේ මැෂින් ගෙන්නලා වැඩක් නැත.

ඒ හින්දා අපේ සල්ලි වලින් අපේ ඉස්පිරිතාලෙට අරන් දීපු පෙට් ස්කෑන් එක එක එකා ට ඕනවිදියට  පිස්සු කෙලින ඉඩ නොදිය යුතය.
අපේ සල්ල්ලිවලින් ගත්ත භාණ්ඩේ අපි රැක ගත යුතුය. ඒ වෙන මොකක්වත් නිසා නොව අපිට පිහිට අපි පමණක්ම නිසා ය.

අදට ඇති වගේ..
ගොහින් එන්නම්...