නෙලුම් යාය ට ආවෙමු..පීනුවෙමු...

ඔන්න ඉතින් අපිත් නෙලුම් යාය ට ආවේය.
තෑගි බෝග වගේම සම්මානත් ගත්තේය.

නාලක් ගුනවර්ධන වගේ සීනියර් බ්ලොගර් කෙනෙක් ගෙන් තෑගී ගන්න ලැබීම බොහොම සන්තෝස ජනකය. ඒ අවස්තාව විභීෂණ ට  ඊයේ ලැබුනේය. ඒ හොඳම කාලින ලිපිවලට අදාලව තුන් වෙනි ස්ථානය ටය .

ඊට අමතරව තවත් තෑගී ගොඩක්හම්බ වුනේය.


ඔය මොනා වුනත් ඉතින් ලොවෙත් ලේඛකයෙක් නොවුණු විභීෂණ ට මේ හම්බවෙච්ච දේ ගැන බොහොම සන්තොසය .
විභීෂණ ලිව්වේ හිතේ සන්තෝසෙට ය. හිතේ සන්තෝසෙට වුනත් හිතෙන හැමදේම ලියන්න ඒ කාලේ තිබ්බ ටිපිකල් මීඩියා අවකාශය එච්චර හොඳ තැනක් නොවුණු නිසා ගැලපෙන තැනක් හොයනකොට බ්ලොග් හම්බුනේය. ඉතින් ලිව්වේ ය.
මගේ පොස්ටුවක් නිරෙදෙෂිත නම් අස්සේ තියෙනවා දැක්කාම මටම පුදුම හිතුනේ අන්න ඒ නිසාය.
ප්ලේස් එකක් හම්බුවෙයි කියලා ලොවෙත් හිතුනේ නැත. ඒ නිසා තෑගී ගන්න ස්ටේජ් එකට නගින කොට දැනිච්ච දේ ගැන මෙතන කියන්න ලොකු හැකියාවක් නැත. එච්චරටම සන්තොසය.


ඒ ඔක්කොමටත් වඩා ලොකු බොහොම වටිනා කියන තෑග්ගක් ලැබුනේය .

ඒ තෑග්ග නම්  මෙච්චර කාලයක් සයිබර් අවකාශය කියන වහන්තාරාව ඇතුලේ ඉඳගෙන එල් සී ඩී ස්ක්‍රීන් එකක් හරහා දැකපු කී බෝර්ඩ් මවුස් පාවිච්චි කරමින් යුනිකෝඩ් වලින් කතා බහ කරපු සිංහල සයිබර් අවකාශයේ විභීෂණ ගේ හිත මිතුරු සැට්  එක එක්ක මහා පොළොවේ පය ගහලා ඇස දෙකෙන් බලලා දන්නා පුරුදු සිංහල භාෂාවෙන් කටින් කතා බහ කරන්න පුළුවන් වීමය ය.

විභීෂණ ට නම් අතිශය සුවිශේෂී කාරණයක් ම වන්නේ ය.

අටම්පහුරා ,බස්සා ,ටෙක් සයුරේ මල්ලියා ,ඩ්‍රැකි යා,යාන් හෑල්ලේ සුරංගයා වගේම ඉවාන් පවුලුෂා,කම්මල් කාරයා වගේ කීප දෙනෙක් ම වැඩේ යන අතරම කතා බහ කරන්න සැට් විය.
ටෙක් සයුරේ මල්ලියා ,ඩ්‍රැකි යා,යාන් හෑල්ලේ සුරංගයා හිට්යෙ මා එක්ක එක පෙලට ය.
ටික වෙලාවකට පස්සේ දැනගත්තේ අපිට පිටිපස්සේ හිට්යේ කුරුටු ගාපු සැට් එකය.
තව වටපිට බලනොකොට ඔමා ව සහ විචා දැක ගන්න පුළුවන් විය . එත්  ඒ ඩබල හරියටම පහ මාර වෙනකොට ධූරීම්භූත වෙච්ච් නිසා කතා බහ කිරීමේ චාන්ස් එක මිස් වුනේය.
දිලිනි නිමන්තිකා වත් හැබැහින් මුලිනම දැක්කේ ඊයේ ය. ඇත්ත ම කිව්වොත් කෙල්ල ඒ ඇඳන් හිටපු ඇඳුමට බොහොම හැඩය. පියකරුය. පන්කාදුය,etc, etc.....

උත්සවේ වැඩ කටයුතුත් පංකාදු පහට කෙරුනා කියා දැනෙන්නේ ය.
බ්ලොග් කස්ටියගේ ගීත ගායන ය, බයියාගෙයි ටෝයියගෙයි කෝලම ආයේ  දෙකක් නැත උපරිමෙන්ම ඉස්තරම් ය.
නාලක් ගුණවර්ධන ගෙයි පැරා ගෙයි සාකච්ඡාව බොහොම වටිනා එකක් විය. ඔය වගේ සාකච්චාවක් ප්‍රධාන ධාරාවේ යයි කියන මොකක් හරි තැනකත් කරන්න පුළුවන් නම් කොච්චර  වටිනවද කියලා තේරුනේ ඒ දෙන්නාගේ කරුණු කාරනා වල තිබ්බ වටිනාකම නිසා මය.
ඒ දෙන්නා කතා කරන ආතරෙදී මැදින් මැදින් පැන පැන සර්විස් දෙන්න දඟලපු ඉවාන් පවුලුෂා ටද අපගේ හද පිරි මෙව්වා එක ය.

අර අන්තිමේට තිබ්බ ඩ්‍රාමා එක නම් එල කිරි සහ ජලය ය . මල් හත් වරක් හැත්තෑව ය. එච්චරටම ඕපන් ය, සංවාදශීලිය, කාලීනය, ඉස්තරම් ය අරක  මේකය හැම එකමය.

උත්සවේ අහවර වුණායින් පස්සේ රසික,මාතලන් , අජිත් පැරකුම් සහ ප්‍රාජේ එක කතා බහ කරන්න චෑන්ස් එක ලැබුණේය.


ඔක්කොම අහවර වෙලා හිටන්ලැබිච්ච තේ පැන්  සංග්‍රහයේ දී තව තව කස්ටිය දැක අඳුනගන්න කතා බහ කරන්න චාන්ස් ලැබුණි.

අටමා,බස්සි, හංසි,සුමියා , කටුස්සා( ද කෙට්ටුම කෙට්ටු මෑන් ), , අචාර්ය වීරකෝන්, කුරුටුවෝ සැට් එක, සුදික, මනෝ මන්දිර,වර්ණ දිනේෂ්, වැව් ඉස්මත්තා, තරු දානේ ලියන විදානේ යා, පඩංගු සජ්ජා, කල්‍යාණ මිතුරා, වගේ එවුන් එක්ක සැට් වුනේ මෙන්න මේ වෙලාවේ දීය,

ඒ චාන්ස් එක නම් ඉතින් මට තෑගී බෝග වලටත් වඩා බොහොත් වටිනවා ය.
වැඩිය දික්ගස්ස්න්නේ නැතිය.
ඊයේ තිබ්බ උත්සවේ ගැන විභීෂණ ට කියන්න ඇත්තේ මෙසේය.

නෙලුම් අජිත්, සහ කල්‍යාන මිතුරා සහ නම නොකියවුණු නමුත් සංවිධායක මණ්ඩලයේ හිටපු සෑම  සියලු දෙනාටම  ත් තෑගී බෝග වලට සම්මාදම් වුනාය කියන එක්සත් ජාතීන්ගේ සංවිධානයටත් සහ අනෙකුත් සියලු දෙනාටත් බොහොම ස්තුතිය.
 කෙටියෙන් සිංහලෙන් කිව්වොත්
"මචන් ලා වෙල් ඩන්...වැඩේ එලටම කළා" කියලා බය නැතුව කට ඇරලා කියන්න පුළුවන. පොඩි පොඩි අඩුපාඩු තිබුනා වෙන්න පුළුවන. එත් වැඩේ එලටම ලෙසටම සිද්ධ විය.

මේ ඔක්කොම එක්ක ඊය්හොඳම බ්ලොගර්ස් ල විදියට තේරුණු බස්සි, පැරා විචා ඔමා ඇතුළු ඒ ඒ කැටගරි වල සෑම  සියලු දෙනාටම ත් ජීවිත කාලයටම එක්වරක් ලැබෙන නෙලුම් යාය සම්මාන ලබපු නාලක් ගුණවර්ධන සහ රසික සුරියආරච්චි ටත්  විභීෂණ ගේ උණුසුම් සුබ පැතුම් මෙලෙස එක් කරන්නේය.

පොස්ට් එක ලියන මේ වෙලාවේ දැනෙන කනගාටුව නම් උත්සවේ ෆොටෝ කීපයක් ගහගන්න බැරි වීමය. 

ඔය උඩ තියෙන ෆොඉටෝ දෙකත් ගත්තේ පැරා ගේ බ්ලොගෙන් සහ බස්සි ගේ බුකී පිටුවෙන් ය .

ඒ වෙන මොකක්වත් හින්දා නොව කැමරාව උලුක්කා කරගෙන ෆොටෝ ගහනවාට වඩා ඇස් දෙකෙන් උත්සවය රස විඳපු හින්දාය.
ඒ ගැන පොස්ටුව කියෝන ඔය හැමෝගෙන්ම සමාවභාජනයකට ඉල්ලන්නේය. පුළුවන් එකෙක් ඉන්නවා නම් බුකියට හරි වෙන් කොහෙට හරි ෆොටෝටික  අප්ලෝඩ් කරන්න කියා ඉල්ලන්නේය.

----------------------------

කොහොමෙන් කොහොම හරි වැඩේ අහවර වෙලා ආපහු ආවේ ටෙක් සයුරේ මල්ලියා, උගේ මව් තුමිය සහ අර පිස්සු ඩ්‍රැකි යා එක්ක ය.
කොළඹ ඇවිත් වැඩේ කොරන් ගිහින් මිස රස්තා ගසා නැති විභීෂණ ත් ටෙක් සයුරා වත් නාරාහේන්පිට ට බස් තියන් පයින් අරන් ගියේ ඔන්න ඩ්‍රැකි යා. තුන් සරණේ ක ගියානම් සුපියල් හතලිහක විතර දුර ඌ අපිව කකුල් දෙකෙන්ම අවිද්දෝගෙන අරන් ගියේය.
ඩ්‍රැකි යා වෙන බස් එහෙකට ගොඩවුණු අතර ටෙක් සයුරා, මව් තුමිය් සහ මම කොටුව බස් එකේ කොටුවට ම ආවේය.
එතනින් බැහැගෙන මම මීගමු බස් එකක් අල්ලාගෙන ගෙදර ආපු අතර ටෙක් සයුරා සහ මව් තුමිය පරිස්සමෙන් ගෙදර ගියා ය සිතමි...

යන්න  කලින් කියන්න ඕන දෙයක් ඇත. 

වැඩේ කවර් කරන්න මීඩියා කීපෙකින්ම ඇවිත් තියෙනවා දකින්න ලැබුනේය.නෙලුම් යයෙන් දීපු ඉන්විටේෂන් එකපිලි අරගෙන ඔන් ටයිම් වැඩේට ආපු එකට අපි උන්ට ස්තුති  කල යුතුය.
කට්ට අව්වේ දාඩිය දාගෙන තියෙන වැඩත්  එහෙ මෙහෙ කරගෙන "කැපවීමෙන්" එන උන්ටඅපි සැලකිය යුතුය.
උන්ගේ අතිනුත් වැරදි සිද්ධ වීම ස්වභාවිකය.
හිරගෙදර ගහල තියෙන්නේ සිරකාරයෝද මනුෂ්‍යයෝ ය කියලා ය.
ඊයේ නාලක ගුණවර්ධන කිව්වේ "බ්ලොග් කාරයෝද දරු පවුල් කාරයොය " කියලා ය.
ඒ එක්කම මම කියන්නේ "මීඩියා කාරයෝද මනුෂ්‍යයෝ ය " කියලා ය.
උන්ට කියලත් ආත්මාභිමානයක් කියලා දෙයක් ඇත( උන්ගේ ලොක්කන්ට නැති වුනාට). එකට අපි ගරු කල යුතුය. එක අපි රැක ගත යුතුය.

-

-

-

-

-

-

-

-

-

-

-

-

-

මම මේ කියන්නේ ඊයේ කරපු මොකක්දෝ පොඩි වැරැද්දකට කරු ජයසූරිය උන්නැහෙත් ස්ටේජ් එකේ ඉන්න වෙලාවේ ඉස්ටෙජ් එක ඉස්සරහා ම පහල මීඩියා අයියා කෙනෙක්ව දන ගස්සලා තිබ්බ එක ගැනය.
එයා කරපු වරද්ද මොනා වුනත් ඒ වගේ පනිෂ්මන්ට් දෙන එක වැරදි ය. මිනිහා එහෙම්මම පැය  කාලක් විතර තිස්සේ එහෙම දන ගහන ඉන්නවා මම, ටෙක් සයුරා ,ඩ්‍රැකි යා සහ සුරංගයා බොහොම කනගාටුවෙන් බලාගෙන සිටියෙමු ය.  වටේ හිටපු අනිත් මීඩියා වරු මේ වගේ වගක් නැතුව ෆොටෝ ගගහා හිටපු එක ඊටත් වඩා නරකය.
තමුන්ගේ සහෝදරයෙක් වගේ එකෙක්ට එහෙම වෙලා තියෙන කොට උන් ඊට වඩා නැගී සිටිය යුතුය.
ඒ අයියාට සිද්ධ වෙච්ච අසාධාරණය බලන් ඉන්න බැරිම තැන මාත් , ටෙක් සයුරාත්  ඩ්‍රැකි ය සහ සුරංග  යාත්උගේ ෆොටෝවක් ගත්තේ දකින කවුරු හරි මේ වෙනුවෙන් සාධාරණය ඉෂ්ඨ කරාවි ය කියන උතුම් අරමුණ පෙරදැරි කරගෙනය. 

=

=

=

=

=

=

=

=

=

=

=

ඕකත් කියාගෙනම ඉපි ඉතින් යන්නම් ය.

එහෙනම් පොස්ටුවක් එක්ක ආපහු හම්බුවෙමු.ය ..

එහෙනම් ඉතින් ගොහින් එන්නම් ය.



===================