අවසාන....

ඉල්ලන්කාවේ පොදු විපක්ෂේ උණු උණුවෙම එලියට දාපු ඉතිහාසගත project එකේ සීරියස් ම ගේම් ටික මේ වෙන කොට හැටට හැටේ රජ( වෙන්න හිතාගෙන) ගමනේය.

ඊට කොහෙත්ම දෙවෙනි නැත.
රනී වගේම , එතෙක් මෙතෙක් පොලිටිකල් ප්‍රොජෙක්ට් වලට නම්දරාපු මරා ත් මේ වෙනකොට තමුන්ගේ අලුත්ම ප්‍රොජෙක්ට් එක දියත් කරලා ය. ඒ වෙන මොකටවත් නොව රනී ගේ ප්‍රොජෙක්ට් එක බංකොලොත් කරන්න ය.

හැමදාම අපි උදේට දවල්ට  රෑට දකින්නේ අහන්නේ බලන්නනේ මේ ප්‍රොජෙක්ට් දෙකේම නානාප්‍රකාර ප්‍රතිඵල ය.

 
-
-
-
-
-
දෙපැත්තේම ඉන්න සුල්තාන් ලා අනිත් එකාගේ පොකුණට බිලීපිත්ත දාගෙන ඉන්නේ ටොයියෙක්, කබ්බෙක් බැරිනම් ගෙම්බෙක් ඉස්ගෙඩි යෙක්  හරි බාගෙන තමුන්ගේ මල්ලට දා ගන්න ය.

දෙපැත්තම හිතන් ඉන්නේ අනිත් පැත්තෙන් බා ගන්න තරම වැඩිවුනාම තමුන්ට රජ වෙන්න පුළුවන් කියල ය. එව්වා ඉතින් පූර්ණ සත්‍යනොවේය.

අද ඔහෙලා අපි හැමෝම උදේ හවා වාහිනී වලටයි ඇෆ් ඇම් වලටයි ඇහැ කන දීගෙන ගණන් කරන්නේ ඒ පැත්තේ ඉඳන් මේ පැත්ත ට පැනපු  , මේ පැත්තේ ඉඳන් ඒ පැත්තට පැනපු ගාන කීයද කියලය.  

මේ පැත්තේ ලේකම් මසී ආප්ප කාල ඒ පැත්තට ගියේය. ඒ පැත්තේ ලේකම් තිසී බත් කටකුත් කාලම මේ පැත්තට ආවේය.

මේ ලේකම් බල්ටි ඇරෙන්න තව තව බල්ටි කීපයක්ම අද වෙනකම්ම තිබුනේය. 

සුපිරිම බල්ටියක් තිබුනේ අද ය. ඒ රිවස්-ඩබල් බල්ටියක් ය. ඒ කියන්නේ ඒ වාසල පැත්තෙන් විපක්සෙ පැත්තට බල්ටි ගහල ඒ එක්කම ආපහු වාසල පැත්ත ට බල්ටියක් ගැසීමය. ගොම්මන්පිල අද පෙන්නුවේ ඒ වගේ රිවස්-ඩබල් බල්ටි වලට උන්නහගේ දක්ෂකමය.
-
-
-

දැන් මේ විභීෂණ ලක ලැස්ති වෙන්නේ බල්ටි ගහපු එවුන් ගැන ඌන පූර්ණ , ටිටුවා ආකා අප්පනි දෙන්න නම් නොවේ. එව්වා ඕන නම් කරන්න ඕනේ හවස හයෙන් පස්සේ එක දිගට පැය දෙකක් එකකට පැය බාගේ ගානේ එක පෙලට පචවාහිනිය, නයි ටී එන් එක්ක ත්‍රිකෝණය සහ කොම්බුව බලන එකය. කොම්බුවත් බලල අහවර වෙනකොට අවට ලෝකය බ්‍රමණය වෙනවා වගේ දැනෙනවා නම් විභීෂණ ගේ උපදෙසේ තිතටම වැඩ කර ඇත.
-
-
-

හරි ..

ඔන්න දැන් විභීෂණ සැරසෙන් එලවේන් වෙන්නේ මාතෘකාවට බහින්න ය.

ඊයේ පැනපු  ගාන, අද පැනපු ගාන, පනින්න ඉන්න ගාන වගේ දේවල්

ඇත්ත වශයෙන්ම ගත්තොත් මේ මොහොතේ  රටේ ඇත්ත අවශ්‍යතාවයන් ගැන හරි හමන් තේරුමක් නැතිව ඇස කන පුක වසාගෙන ඉන්න ගොබ්බයින්ට හැර මෙලෝ යකෙක්ට තියා පාරේ දඩාවතේ ඉන්න හරකෙක්ගේ ගොම් බෙට්ටක වහන නිලමැස්සෙක් ට වත් වැඩකට නැති දෙයක් ය.


ඒවුනාට අද ඉල්ලන්කාව ම කට පුක ඇරගෙන  බලන් ඉන්නෙත් මේ දිහාමය. රටේ වැදගත්ම මාතෘකාව සහ හොට් ම නිවුස් වෙන්නෙත් මේ ජම්පින් කේස් ය.

ඒ වුනාට ප්‍රතිපත්ති ගරුක( මේ කියන්නේ කැපුවොත් පක්ෂේ පාටට ලේ එනවා වගේ Hi කියවෙන හෙවත් HI-කවෙන ප්‍රතිපත්ති නොවේ), ඇහැ කන ඇරගෙන මේ වෙන්නේ මොනවාද කියල විමසිල්ලෙන් ඉන්න හැම මනුස්සයෙක්ට ම තේරෙන දේ නම් මේ හැමෝම මේ විහිලු කරන්නේ උන්ට ඡන්දේ දුන්නු මිනිස්සුන්ටම බවය.

 ගමේ සිරි ලංකා කාරයා තාමත් යූඇන්පී කාරයට බෙදන්නේ වෙන හැන්දකින්ය. යූඇන්පී කාරයා ද සිරි ලංකා කාරයාට සලකන්නේ එසේමය.

එහෙම වුනේ වෙන මොකක්වත් හින්ද නොව උද ඉඳන්ම, ඒ කියන්න උඩම ඉඳන්ම , පක්ෂේ හින්ද මිනිස්සුන්ව භේද බින්න කරන්න සහ එහෙම භේදබින්න වෙච්ච ජනතාවක් පහසුවෙන් පාලනය කරන්න හදපු වරත්තු ප්ලෑන් එක හින්දය.

ඒ විදියට මිනිස්සුන්ව බෙදල ඒ පැලැන්තිය තමුන්ට ඕන කරන දේවල් සේරම වගේ ඕනෑවටත් වැඩියෙන් ලබා ගත්තේය.


දැන් මෛත්‍රී කරන්න කිව්වට, පොදු එකා වෙන්න කලින් මසී ත් අඩු වැඩි වශයෙන් සම්මාදම් වුනේ ඔය දෙටමය. 

තුන්වෙනි වාරෙදී රටේ විනය තකනවා කියන මරා සහ කල්ලිය තාමත් කරන්නේඒ ටිකමය.

දැන් මේ දෙගොල්ල බට්ටෝ පනිනවටත් වඩා ඉක්මනට කිසි ලජ්ජා බයක් නැතිව සිරි ලංකාවෙන් යූඇන්පී යට ත් , යූඇන්පී යෙන් සිරි ලංකා එකටත් පනිති.

කලාතරයක් තිස්සේ මිනිස්සු ඉස්සරහ ජපකරපු සමහර මන්තර , විතරක් නොව සතියකට, දවසකට, පැයකට  කලින් කියපු දේවල් පවා අමතක කරලා, උදේම ඡන්ද පොලට බඩගාලා තමුන්ට කතිරේ ගහල තමුන්ගේ ප්‍රතිපත්තිය පිලි අරගෙන තමුන්ව විල මැද බංගලාවට, පලාබබාට්‍රේනින් සෙන්ටර් වලට, පුංචි ආණ්ඩු වලට පත්කරපු මිනිස්සුන්ව අමතක කරලා අනිත් පැත්තට පනින්න දැන් මේ එකෙක්ටවත් ලජ්ජා නැත.

ගොම්මන්පිලගේ රිවස්-ඩබල් බල්ටිය ත් ඇතුලත්ව අද වෙනකම්ම වෙච්ච බොහොමයක් බල්ටි ඔය විභීෂණ උඩ  කියල තියෙන ජාතියේ එව්වය.

මේ ගොඩක් බල්ටි පිටිපස්සේ තියෙන්නේ එක්කෝ පයිල් එකක් ය, එක්කෝ පරණ ණයක් ය, නැත්තන් බැංකු පොල්ලක්ය. සමහර පිටිපස්සවල් වලතියෙන්නේ පරණ චීත්ත හෝ ගවුම් කෑලිය .


ඉතින් ඔය වගේ වකූර් සීන් තියෙනවා කියන්නේ ඉතින් කළු තැපැල් (BLACKMAIL) වීමේ අවධානම බොහම වැඩියි කියන එකය.


එව්වා දැන් වැඩක් නැත. අපේ මොකක්දෝ මන්ද පෙර කල පිනකට අපේ අතින් මේ වගේ වාහෙලා දැන් ලොකු තැන් වලට ගොස් හමාරය.


මේ විදියට දවස ගානේ බල්ටි ගහනකොට එව්වා දකින අපි ලට ඔහේ ලට මේ යන ක්‍රමය, දේශපාලන ක්‍රමය ගැන ඇතිවන්නේ පට්ට කලකිරීමක්ය. එපා වීමක් ය.


ප්‍රජාතන්ත්‍රවාදය කියල කියන්නේ හැමෝගෙම සහභාගිත්වයත් අවශ්‍ය දෙයකට මිස පවුලක් හරි පුද්ගලයෙක් හරි කේන්ද්‍ර කරගත්තු දෙයක් නොවේය. එත් මේ යන විදියට අර කිව්වා වගේ ජනතාවට ප්‍රජාතන්ත්‍රවාදය ගැන කලකිරීමක් ඇතිවුනොත් වෙන්නේ අර හැමෝගෙම සහභාගිත්වය අහෝසි වෙන එකය. 
 -
-
-


මේ පොස්ටුවේ ටයිටලේ දාල තියෙන්නේ "අවසාන" කියාලය.


ඒ හේතුවක් ඇතිවය. 

මේ යන ක්‍රමය ඇතුලේ වැඩිකල් නොගොස්ම අවසාන වෙන දේවල් කීපයක්ම විභීෂණ ගේ මොලේටදැන්පහල වී ඇත.

එකක් නම් පක්ෂ දේශපාලනය ගැන විශ්වාසය අවසාන වීමය. එතකොට වෙන්නේ පක්ෂවලින් බැහැරව , ඒ ප්‍රතිපත්ති වලින් බැහැරව, පුද්ගල චරිත වටා බලය එක රොක් වීමය.


 දැනටත් අවුරුදු ගානක් තිස්සේ සිද්දවෙමින් තියෙන්නේ ත් ඒ දේ මය.


එතකොට අපේ අතේ තියාගන්න ඕන දේවල් එක්කෙනෙක්ගේ දෙන්නෙක්ගේ අත්වලට යනවාය. 

හිට්ලර් අපේ මතක ගබාඩාවේ හොල්මන් කරන්න පටන් ගන්නේ අන්න ඒ වගේ වෙලාවල් වලට ය .

විකල්ප බලවේගයක් හොයාගන්නවත් නැති වුනොත් තත්වය තවත් භයානකය.

විභීෂණ ට දැනෙන තේරන විදියට ඒ වගේ කලකිරුණු ස්වභාවයකට පත්වුනාම "හරි හමන් ජහමනතාව ක් " කරයි කියල හිතන්න පුළුවන් දේවල් දෙක තුනක්  ඇත. මෙව්වයින් ඉල්ලන්කාව ඇතුලේ ඉන්නේ අමුතු ජහමනතාවක් හින්ද මේක ඇතුළේදී වෙන්න පුළුවන් මොකක්ද කියන එක ගැන නම් විභීෂණ ට තියා රාවනා ට වත්,සක්කරයාට වත් අනාවැකි පල කල නොහැක.

1. එක්කෝ ඕන පුකක් ප්‍රීති වෙසක් කියල, තියෙන රෙජිමේ පෙරලලා දාල ආයේ මහජන පාලනයක් ඇති කරගන්න පුළුවන. උදාහරණ නම් ඕන තරම් ය. සමහර එව්වා අරාබි වසන්තයේය.

1. එහෙම නැත්තන්  කරන්න තියෙන්නේ "අනේ ඉතින් කාට දුන්නත් වැඩක් නැහැනේ එන හැම එකාම එක එක පති කුලවලට යනවනේ "කියල දුක් වෙලා වැලපිලා , "මොන මගුලටද ආයේ අලුත් එකෙක් අපිට ?" කියල හිතල ඉන්න එකාටම ඒ කියන්නේ තමුන්ගේ ආඩම්බර කාර තාත්තට කතිරේ ගහන එකය.

සමහරවිට මේ බල්ටි වල පිටිපසේ තියෙන අරමුණ එක වෙන්නටපුළුවන.

1. ඔය මොකවත් කරන්න කැමති නැත්නම් කරන්න තියෙන්නේ තමන් ගෙන් ආපහු බලය උදුරලා ඉල්ලා ගන්න ලෑස්ති කරල තියෙන ඡන්ද වර්ජනය කරන එකය.

විභීෂණ ට තේරෙන විදියට හරි හමන් කොන්දක් තියෙන එකෙක් නම් කරන්න ඕන ඔය කියපුවයින් පලවෙනි එක සහ තුන්වෙනි එකය.

ඒ කියන්නේ පක්ෂ වේවා විපක්ෂ වේවා පවතින දහදෝරු ක්‍රමේට විරුද්ධ වෙන එකය.

මසී බෑවත්, මරා බෑවත්, රනී හරි සැටී හරි බෑවත් බාන්නේ නිකම් පංචස්කන්ද නොවේය. මේ බාන්නේ මිනිස්සුන්ගේ සිතුම් පැතුමය, බලාපොරොත්තු මිස වෙන ලබු කැට නොවේය.

අද ජේවීපී එක අරගෙන තියන්නේ ඔය කියන "මජර ක්‍රමයට විරුද්ධ වීමේ " ක්‍රියා පිළිවෙලය. උන් දැන් හරි පාරේ යන්න පටන් අරං ඇත.
-
-
-
-
ජේවීපී උන් මරා ට විරුද්ධව කඩේ යන්නේ මේ ඒකාධිපති පිස්සුව, සහ පංච  මහා භූතයන්ගේ ( කුඩු, එතනෝල්, කැසිනෝ, ගණිකා සහ කොමිස් ) මහා දවල් මංකොල්ල කෑම් වලට එරෙහි විය යුතු නිසාය.

එත් ඒ එක්කම මසී ට පක්ෂව හෝ විපක්ෂව කඩේ නොයන්නේ එතන ඉන්නෙත් අතනම කොපි සැට් එකක් නිසාය.

මසී කොම්පැනියේ බඩු  ෂුවර් නැහැ කිව්වේ ඒ හින්ද ය.

ඒ වගේ,ම රෑ ( 2000) වැටුණු වලේ දවලුත්(2004, 2005, 2010 ) වැටිලා ඊට පස්සේ දවසේ දවල්ටත්( 2015) , ගූගල් මැප්  එකෙන් හොයාගෙනම ගිහින් පනින්න තරම් උන්ගේ මොළ ගෙඩි කුරුවල් වෙලා නැති වාගෙය.
-
-
-

ඊළඟට අවසාන වෙන්නේ විනය සහ යහ පැවැත්මය. පොඩ්ඩ පොඩ්ඩ තැන් තැන් වල පේන්න තිබ්බත් එව්වා දෙකේම ඉතුරු වෙලා තියෙන්නේ පෙට්ටියට අන්තිම ඇනේ ගහන්න විතරය. උදාහරණ සදහා දිනපතා පුවත් පත් බැලීම මැනවි.
-
-
-

ඊළඟට අවසාන වන්නේ සාමාදනය සහ සාමයයි.

ඇතිවෙන ඇත්ත ප්‍රශ්න වලට හරි විසඳුම් නොදී කල් දදා හියාම වෙන්නේ ඒ ප්‍රශ්න ඔඩු දුවලා නැති ප්‍රශ්න ඇතිවෙන එකය.
 -
-
-

නීතිය ද ඇත්තේ වලපල්ලේ අන්තිම පඩිය ගාවය.
-
-
-

මේ වගේ දේවල් අවසාන වෙලා ගිහින් අන්තිමට අවසාන වන්නේ රටය. 
එතකොට අපිට වෙන්නේ යන්න පාරට ය.

ඒ හින්ද අපි හැමෝම මේ වෙලාවේ කරන්න ඕනේ මේ අත්තනෝමතික කල්චර් එක අයින් කර ගන්න එකය. එකට තියෙන්නේ උදේම ඡන්ද පොලට ගිහින් ඉතිහාසේ ඔලුවෙන් අයින් කරලා හරි විදියට ඡන්දේ දාන එකය.

කලින් ලියපු එක්තරා පොස්ටුවක අග මම කෙටුවේ මේ වගේදෙයක්ය.

//යූඇන්පී ආණ්ඩුවක් එන එක විභීෂණ ගේ සිහිනයක්ය. එත් රට දියණු වෙනවනම්, මිනිස්සුන්ට දුක් නොවිඳ ආරක්ෂා සහිත ව රට ඇතුලේ ජීවත් වෙන්න පුලුවන්නම් ස්වාධීන කණ්ඩායමක ආණ්ඩුවක් ආවත් විභීෂණ නම් අමනාප නැත.//


හීනේ මොකක් වුනත් අපි කරන්න ඕන හරි හමන් සාධාරණ පාලනයක් ගෙන එකය. 

ඒ දේ ඇති කරන්න බලය, වගකීම් සහ යුතුකම තියෙන්නේ අපි ළඟය.


එහෙනම්...


අදට ඇති වගේ නේ...


ගොහින් එන්නම්...