විලම්භීත ධර්මද්වීප

ඉල්ලංකාව කියන්නේඑක එක වයිවාරන්න නම් ගහපු  බොරු බෝඩ් ලෑලි  වලින් කවර් කරලා තියෙන ගඳ ගහන ගූ ගොඩක් බව වරක් දෙවරක් නොව සිය දාස් වාරයක් ඔප්පු වෙන කාරණයක් බව කැමැත්තෙන් හෝ අකමැත්තෙන් අපිට පිළිගන්නට සිදුවෙන තිත්ත ඇත්ත ක්ය .

මේ රටේ
හන්දියක් හන්දියක් ගානේ බුදු පිළිම හෝ සුරුවම් ය. එව්වා ළඟ හැමදාම උදේ ඉඳන් හවස් වෙනකන් බණ, පිරිත්, බෝධි පූජා බාර හාර වගේම , පූජා යාච්ඤා කන්නලවු ය.

ටීවී එක දැම්මොත් රේඩියෝ එක දැම්මොත් උදේ ඉඳන් හවස් වෙනකන් පැය ගණන් පිරිලා තියෙන්නේ බණ, ගාථා පිරිත්, යාච්ඤා වගේ දේවල් වලින් ය. රේඩියෝ චැනල් සේරම හවස හය පහුවෙනකොට නිවන් දකින්න ඔන්න මෙන්න වගේ සෙත් පිටිත් සජ්ජායනා වලින් වැහිලා යන්නේය.
අපේ පෙර කල කරුම පඩිසන් දෙන්නේ පෝය දවස් වලට ය. බොහොම අතලොස්සක් ඇරෙන්න අනික් හැම චැනල් එකක්ම හරියට එව්වා ජනමාධ්‍ය අමාත්‍යාංශයෙන් බුද්ධ සැසන අමාත්‍යාංශේට පවරා ගෙන වගේ දවස පුරාම කරන්නේ බණ කියන එකය.
ඕකේ ඊළඟ සෙල්ලම නත්තල් කාලෙට සිද්ධ වෙන්නේය. දවස් දෙක තුන ජේසු ගේ ජීවිත කතාව අපිට කියාදෙන මෙයාලා නත්තල් දවසේ පූජාවද ලයිව් ටෙලිකාස්ට් කරන්නේ ආශිර්වාද ලබාගන්න වෙන්ට ඇතිය.

බුධාගමටම වෙන් වෙච්ච ටීවී චැනල් තුන හතරක්ය .දවසේ පැය විසි හතරම රට වටේම තියෙන පන්සල් ,බෝධි පිළිම අල්ලා ගෙන පට්ට ධර්ම සාකච්ඡාය . අපිට බය තියෙන්නේ ඔව්වා බලන  එව්වෝ ටීවී එක බලං ඉන්නකොටම නිවන් යයිද කියලා ය.

කතෝලික කියලා ලොකූවට වෙනසක්නැත. මේ ළඟදී ඉඳන් කතෝලික එවුන්ට ද ටීවී චැනල් එකක් ඇත. බුදු චැනල් වල සිද්දවෙන මූලික සංසිද්ධි සේරම කිතු චැනල් එකේද කිසිම අඩුවක් පාඩුවක් නැතුව සිද්දවෙනවා ඕන කෙනෙකුට දකින්නට පුළුවන.කිතු චැනල් එකෙන් දෙන ධර්ම ටෝක්ස් දැක්කාම ළඟදීම එකෙක් දෙන්නෙක් ස්වර්ගාරෝහණය වෙන්න පුළුවන් බවට පොඩි සැකයක් ද පහල වෙන්නේය.

බුකියේත් බණ කියන එවුන් වැහි වහැලා ය. අපේ සමහර මිතුරු මිතුරියෝදාන්නෙම ජීවිතේඅනිත්‍යය, සංසාරේ දිග, කුණු කයේ යතාර්ථය වගේ පට්ට ධර්ම පොස්ට් ය. පොස්ට් නොදැම්මත් ඔය වගේ ධර්ම පොස්ට් බලන්න , ලැයික් කොරන්න , ශෙයා කොරන්නම එන තව ගොන් වාහෙලා රෑනක්ම උන්ගෙන් පස්සෙන් වැටී ඇත.

ගූගල් දෙය්යා ගේ ගූගල් ප්ලේ එකේ ඊයේ පෙරේදා රස්තියාදු වෙනකොට දැක්කේ බණ , පිරිත් වගේම , බයිබලය, ත්‍රිපිටකය වගේම කුරානය ද තියෙන app ද ඇති බවය. ඔව්වාත් පිස්සුවෙන් වගේ හොයාගෙන  ඩවුන්ලෝඩ් කරන එව්වොත් ඕනෑතරම් ය.වැඩිපුර ඇත්තේ මෙහෙ වෙන්න ඇතිය.

මේ විදියට බලනකොට
මේක දවසට පැය ගණන් බණ පිරිත් කියන , යාච්ඤා කරන ටීවී රේඩියෝ චැනල් තියෙන, පැය විසිහතර පුරාම ආගමික කරුණු විකාශය කරන එක එක ආගම් වලට ම වෙන් වෙච්ච ටීවී රේඩියෝ චැනල් තියෙන, හන්දියක් හන්දියක් ගානේ සුරුවම් පිළිම තියෙන, බණ කියන්න, නිවන් අවබෝධ කරවන්න යාච්ඤා කරන්න බයිබලය උගන්නන්න බුකියත් , ගූගලෙත්  පාවිච්චි වෙන හරි පට්ට දැහැමින් හෙමින් දියුණුවෙන රටක්  ය. ආගමික භක්තිය වැහි වහැලා ය.
එක ඇත්ත නම් ඒ වගේ රටක සාමාන්‍යෙයෙ න් ඇහෙන්න ඕනා

• දානයක් ධර්මයක් දීපු එකක් ගැන නිවුස් ය. 
• කවුරු හරි කාට හරි උපකාරයක් කරපු දෙයක් ගැන නිවුස් ය. 
• ආගමික විදියට ජීවත් වෙන්න පුලුවන්  විදි ගැන සාකච්ඡා ය.

 සරලවම කිව්වොත් පින් අතේ දේවල් ය.

එත් අපි එහෙම හිතන් හිටියට , බලාපොරොත්තු වුනාට අපිට අහන්න දකින්න සිද්ද වෙලා තිඑන්නේ  ඒවගේ දේවල් නොවේය.

එක දවසක පත්තරේ බැලුවොත් රේප් කේස් ගැන අඩුම නිවුස් තුනක් වත් බුදු ෂුවර් ය.ඒවායින් එකක් අනිවා එක්කෝ තාමත් ලොකුවෙලා නැතිපුංචිම පුංචි කෙල්ලෙක්ව දූෂණය කරපු එකක් ගැනය. එහෙම නැත්තනම් අද හෙට වැලිගම්පිටි ට්‍රිප් එක යන්න ලෑස්ති වෙලා තියෙන  ආචිචි කෙනෙක්ව දූෂණය කරපු සීන් එකක් ය.

පහුගිය සතියේ කොටදෙණියාවේදී අවුරුදු පහක කෙල්ලෙක් ට කරන්න ඕන සේරම කරලා මරලා දාලා ය.
ඒ දවස්වලම ගනේමුල්ල පැත්තේ පොඩි එකෙක්ව පණ පිටින් ළිදක ට දාලා ය.
මේ ඊයේ පෙරේදා අවුරුදු 8 ක කෙල්ලෙක් ව කොල්ලෝ තුන් දෙනක් දූෂණය කරලා ය.
ඒ ඔක්කොම අස්සේ තව කොට්ටාසයක් ඒ දූෂණ කරපු එවුන් ව මරාපියවූ කියලා උද්ගෝෂණ වලය.

ඇක්සිඩන්ට් නිවුස් අවම  පහක් ය .
මිනීමැරුමක් අනිවා ය.දෙපා ය.

හොරකම් කිලෝ ගානට ය. පගා කේස් ද එක දෙක ය.

මේ හැම එකෙන්ම තේරෙන්නේ සිස්ටම එකේ ලොකු අවුලක් ඇති වෙලා තියෙන වගය. ඉන්පුට් එක ට වඩා හාත්පසින්ම වෙනස් අවුට් පුට් එකක් ලැබෙන්නේ ඒ නිසා ය.

ශාස්තෘවරු කොච්චර මහන්සි වෙලා ඒ කාලේ ඇත්ත දර්ශනය දේශනා කලත් එව්වා මුලික කරගෙන හදා ගත්තාය කියන ආගම්  අපි ඉගෙන ගෙන තියෙන්නේ සහ අපිට වගේම අපේ දරුවන්ටත් තාමත් උගන්නන්නේ අමූලික බොරුබව සක්සුදක් සේ පැහැදිලිය.

අද වෙනකොට හැම ආගම ම කරන්නේ ප්‍රායෝගික ජීවිතයට ධර්මය දේශනා කිරීම නොව ඒ ඒ ආගමේ එකවුන්ට් එක කොහොම කොහොම හරි පුරවගන්න එකය. එව්වයේ සාදුලා, පූජක වරු ඒ බලයෙන් සැප සම්පත් ලබා ගන්නා එකය.

ආගම් වල තියෙන හරය හරියටම කියාදෙන එව්වෝ බොහොම සුළු පිරිසක් ය. උන් ඉන්නෙත් ගම දනව් වලය.ඒ වගේ උතුම් මිනිස්සුන්ව හොයාගෙන ගියත් පාඩු නැත.
හැම ආගම ම වත් පිළිවෙත් වල හිර වී ඇත. ආගම කියන්නේ වත් පිළිවෙත් ගොඩක එකතුව ට කියන සර්ව නාමයක් තරමටම මේවැරදි අවබෝධය දුරදිග ගොස්  ඇත.

පෝයට ගමේ පන්සලට, රටේ ප්‍රසිද්ධ පන්සලකට හෝ මොඩ් බුඩිසම් (Modern Buddhism) එකට අනුව කොහේ හරි අසපුවකට රිංග ගන්න බොහොම බෞද්ධයෝ දවස පුරාම බණ, භාවනා කරලා පන්සිල් , අටසීල් අරන් බුදු ගුණ සිහිකරලා හවස් වෙලා ගෙදර ඇවිත් එදා ඉඳන් ඊළඟ පෝය වෙනකම් ගෙදර කට්ටියයි , තම තමුන්ගේ යාලු මිත්‍රයෝ නෑදැයෝ යි එක්ක කතා කරන කාරණා කීපයක් ඇත.

• අහවල් හාමුදුරුවන්ගේ බණ වල ලස්සන.
• හැමදාම අහන බණ වලට වඩා එකේ තිබ්බ වෙනස් ගතිය.
• අහවල් අසපුවේ ඉන්නකොට දැනෙන නිස්කලංක බව
• අහවල් සාදු ගේ ඉතිහාසය. උන්වහන්සේ වෙනත් ආගමක ඉඳන් බුද්ධාගම ගැන පැහැදිලා සිවුරක් දාගත්තු හැටි. උන්වහන්සේ බුද්ධාගම ඉගෙන ගත්තු හැටි.
• පන්සලේ දානෙට ආපු සෙනග ගොඩ
• දානෙට පිළියෙළ කරලා තිබ්බ කෑම ගොඩ
• දානෙට පලතුරු හොයාගත්තු හැටි,බත් උයපු හැටි,බෙදපු හැටි

එත් කියාදීපු ධර්ම කාරනා වලට අනුව තම තමුන්ගේ ජීවිතවෙනස කරගෙන ඉස්සරහට ගෙනියන හැටි, අනුන්ගේ ඔප දූප ගම හැමතැනමපතුරලා පවු පුරෝ ගන්න එක නතර කරන හැටි, ගමේ එකෙක්ට මොකක් හරි හොඳක් වුනාම ඊරිසියාවේ  පැලෙන්නේ නැතිව ඉන්න හැටි , එක එකාට පද හදන්නේ නැතිව පාඩුවේ ඉන්න හැටි කතා කරන්නේ නැත. අඩුගානේ එදා දවසේ හාමුදුරුවෝ කයාදීපු දේවල් තමුන්ගේ ජීවිතෙට් එකතු කරගන්න පුලුවන්ද බැරිද කියලාවත් හිතන්නේ නැත.

කතෝලික සෙනග ගැනත් කියන්න තියෙන්නේ ඔයිට සමාන දෙයක්ය.
සුවාමිලා ගේ දේශනා අහන්න, සුව මෙහෙයෙන් ලෙඩ සුවකරගන්න, අත පය හෙල්ලිච්ච සුරුවම් බලන්න වගේ කාරනා මිස මෙයාලට ජේසු කියාදීපුවා හාන්කවිස්සියක් මතක නැත. මතක් කරන්න යන එකාට ඇපත් නැත.

හැමෝම ඇත්තටම කරන්නේ පට්ට බොරුව ය. මේ දේවල් අහන්න දකින්න බුදු හාමුදුරුවෝ වත් ජේසු තුමා වත් අද නැති එක අපිට වඩා එයාලගේ ශරීර සනීපයට බොහොම යහපත් ය.

බොරුවට ආගම් අදහලා අපිට වත් රටටත් වැඩක් වෙන්නේ නැත. අමුඩේ පෙනකන් රෙද්ද උස්සගෙන ආගම් රැකගන්නත් බැරිය. මේ රටේ ඉන්න සිය දාස් ගානක් වෙච්ච හාමුදුරු වරු, සුවාමිලා වගේ හැම පවිද්දෙකුගේම යුතුකම වෙන්නේ ආගම ඇතුලේ තියෙන ධර්මය හෝ ඒ ශාස්තෘවරගේ දර්ශනය මිනිස්සු අතරට ගෙනයාමය. එදාට සොබාදහම විසින්ම ඒ ඒ ආගම් රැකගන්නවා ඇත.

එහෙම නැතිව ආගමේ නාමයෙන් සාමාන්‍ය අසරණ මිනිස්සුන්ගේ ඔලු වලට පට්ට කෙබර අතැරලා , උන්ගේ මෝල් හෝදලා මුට්ටිකාසි මලු ගැහුවා ම වෙන්නේ එක්තරා දවසක රටටත් කෙලවෙලා තමන්ටත් කෙලවෙලා සබ්බ සකල මනාවම අකුලෝලා ම යන තැනට පත් වීමය.ඒ ජාතියේ ආගම් නැතිවීම ගැන අපි කිසි කෙනෙක් දුක් වෙන්නේ නැත.