දැනුනා Iraj

 

ඉරාජ් ආපහු හිට් වෙලාය.

වෙන එවුන් සංසාරෙට එක සැරයක් වගේ හිට් වෙනකොට එක නිවුස් එකක් වුනාට ඉරාජ් හිට් වෙන එක අපිට අමුත්තක් නොවෙන්නේ ඉරාජ් කොහොමත් හිට් වෙච්ච කැරැක්ටර් එකක් නිසාය.

මූ ආපහු හිට් වුනේ මෙන්න මේ "දැනුනා" කියනවීඩියෝ එක නිසාය.

 

 

වෙනදා දන වීඩියෝ වලට වඩා මෙතන තියෙන සීන් එක නම් මියුසික් වීඩියෝ එකේ ස්ටෝරි ලයින් එක විදියට අරගෙන තියෙන්නේ අපේ වික්ටර් රත්නායක උන්නැහැ වගේම දෙවැනි කසාදයක් කර ගත්තු , පුත්තු දෙන්නෙක් ඉන්න සංගීත මාස්ටර් කෙනෙක් ගැන වීමය.

බුකියේ දැකපු ෆොටෝවකි

දැන් රටේම ඉන්න හරක් ටික ඉරාජ් එක්ක ගේම ඉල්ලලා තියෙන්නේ අපේ ලෙජන්ඩ් වික්ටර් රත්නායක ට අපහාස කරන්නේපාය , උන්නැහ ගේ පුද්ගලික ජීවිතේ කාටවත් වැඩක් නැතිය වගේ කුණු බයිලා වගයක් කියන ගමන්ය .

එත් ඉතින් වික්ටර් මහත්තයා දෙවැනි කසාදයක් කරගත්තු කාලෙත් අපි බුකියේ හිටපු නිසා මෙන්න මේ දෙ කියන්න උවමනාය.

අපි මැරිලා ඉපදිලා නැත.

ඒ කාලේ බුකියේ ගිය පොස්ට් සේරම හොඳ හැටි අපිට මතකය.

අමතක ය ඉන්නවානම් මතක් කර දෙන්නටත් පුළුවන් ය,

දෙවැනි කසාදයක් කර ගත්තු ගමන් ශ්‍රී ලංකා ප්‍රබුද්ධ අවජාතක රැල වික්ටර් ට අපහාස කරපු හැටි, චරිත ඝාතනය කරපු හැටි දකින්න බලන්න ඒ එක එකාගේ ෆේස්බුක් ටයිම් ලයින් ටික දිග ඇරියානම් සහසුද්දෙන්ම බලාගන්න පුළුවන් ය.

 

වෙන මක්කාවත් ඕනා නැත.

උගේ වික්ටර් ගේම පුත්තු දෙන්නා youtube එකේ නටපු තොවිලේ සේරටම වඩා හපන් ය.

 

මොකා වුනත් තමුන්ගේ තාත්තා නේද කියලා හිතන්න උන් දෙන්නාටම බැරි විය.

තාත්තාගේ නම විකුණගෙන හිට් වෙලා තාත්තාගේ සල්ලිවලින්ම නම හදාගත්තු දෙන්නා තාත්තාට දුන්නු සම්බුව ඕනා කෙනෙක්ට YOUTUBE එකෙන් හොයා ගන්න පුළුවන.

දැන් එතකොට අපිට එන ප්‍රශ්නේ එදා ඉරාජ් උන්නේ කොහෙද කියන එකය.

උත්තරේ බොහොම සරලය.

ඉරාජ් හිටියෙත් උන් හැමෝම එක්ක ඔයකියන වික්ටර් ට මද ගහපු බෝට්ටුවේම ය.

ඉරාජ් යන යන ෂෝ එකේදී 77ට35 යි කියා  කියා ගැලරියට ආතල් දීපු හැටි තාම අපිටනම් හොඳටෝම මතකය.

එත් දැන් ප්‍රශ්නය ඇතිවෙලා තියෙන්නේ වෙන හේතුවක් හින්දය.

හැමෝම එක්ක එදා වික්ටර් ට මඩ ගහපු ඉරාජ් අද වික්ටර් ගේ වගේ ම කතාවක් තියෙන මියුසික්  වීඩියෝ එකක් කරලා ය.

එත් පුදුම සහගත ලෙස හැමෝම ඉරාජ් ගෙන් ගේම ඉල්ලන්න පෝලිම් ගැහිලා ය.

ඉරාජ් ගෙන් විතරක් නොව සමහර පිස්සු ප්‍රබුද්ධයෝ ඉරාජ්ගෙ තාත්තට පුතාගේ වැඩ කිඩ ගැන ලියුම් ලියලාත් යවලාය.

නාථ දෙවියන්ගේ ගණන් ඉගෙන ගත්තුහැකරල්ලෝ ඉන්න රටක එහෙම උන් පහළවෙන එකට අපිට නම් පුදුම නැත.

ලස්සනම වැඩේ එදා වික්ටර් ට මඩ ගහපු උනුත් අද වික්ටර් ගේ ගුණ ගය ගයා ඉරාජ් ගේ අම්මගේ ගුණ ගයන්න පටන් අරං තිබීමය.

මෙහෙම වෙන්නේ කොහොමද?

එදා වික්ටර ට අපහාස කරපු හැමෝම සුජාත වෙලා ඉරාජ් විතරක් අවජාතක වුනේ කොහොමද?

අද හැමෝම වික්ටර් ට ප්‍රශංසා කරලා ඉරාජ්ගේ "අම්මට " කියලා කියන්නේ මොකද?

ඇයි උන් සේරටම සුජාතයි කියලා අලුත් උප්පැන්න සහතික හම්බුනාද?

ආණ්ඩුවෙන් සැටිපික්ට් දුන්නාද?

හේතුව ඔය මොකක්වත් නොවේය.

ඕකට හේතුව ශ්‍රී ලංකාව කියලා කියන "වෙස බල්ලන්ගේ රාජධානියේ" ඉන්න වෙස බල්ලන් ගේ මානසිකත්වයය .

ළිං මැඩි කල්චර් එකය,

මුන් මේ කවර් කරන්නේ ඉරාජ් එක්ක තියෙන ඇරියස් එකක් නෙමේය.

එදා කවර් කලෙත් වික්ටර් එක්ක තියෙන ඇරියස් එකකුත් නෙමෙ ය.

එදා වික්ටර් එක්ක කලෙ "අනුන්ට ලැබිලා, තමුන්ට නොලැබීම" එක්ක තියෙන ඇරියස් එක කවර් කරන එකය.

ඉරාජ් එක්ක කරන්නේ "වෙනස" එක්ක තියෙන ඇරියස් එකක් කවර් කරගන්න එක ය. 

නාකි විසේ තිබ්බාට ගෙදර ගෑනිත් ඉන්න නිසා, සමාජෙන් අනම් මනං අහන්න ත් වෙයි කියලා බයට සද්ද නැතුව සාන්ත දාන්ත බාවය රකින, එත් චාන්ස් එක ලැබිච්චි ගමන් රූම් එහෙකට සෙට් වෙන වනචර ප්‍රබුද්ධ ශ්‍රී ලාංකිකත්වයට , කාගෙවත් කතා පඩේකට මායිම් නොකර දෙවැනි කසාදයක්කර ගන්න වික්ටර් ගත්තු තීරණේ ඉවසගන්න බැරි විය.

කාලා දිරෝගන්න බැරිවිය.

 

තමුන් මාර කට්ටක් කාලා කාඩ් කුඩු කරගන්නේ ත් නැතුව , රූම් එහෙකුත් හොයාගෙන පට්ට ගේමක් දීලා හොර රහසේ ගත්තු ආතල් එක වික්ටර් නීත්‍යානුකූලව ප්‍රසිද්ධියේම ගන්නකොට සමහරක් ශ්‍රී ලාංකික වෙස බල්ලන්ට කාල ඉන්නබැරි එක ආයේ අහලා දැනගන්න ඕනා කාරණයක් නොවය,

ඉරාජ් එක්ක කවර් කරන්නේ ඔය සීන් එකේ ඊළඟ සීසන් එකය.

ඒ කියන්නේ ඩේටා බර කපාගෙන මඩ පොස්ට් ගහලා වට්ටන්න හදපු වික්ටර් වැටුනේ නැති කේන්තිය හරියට නිවිලාවත්  ගිහිල්ලා නැති වෙලාවේ ඉරාජ් කියන එකා ඇවිත් ඒ ඉස්ටෝරිය ආපහු මතක් කරනකොට මොන බල්ලා ට වුනත් කේන්ති යන එක අහන්නත් දෙයක් නොවේය.

ඒ එක්කම තවත් දෙයක් කියන්න උවමනාය

ඔතනදී ශ්‍රීලාංකික ළිං මැඩි ප්‍රබුද්ධ බලු සේනාව ඉරාජ් එක්ක තවත් ඇරියස් එකක් කවර් කරගන්න හදන්නේ කුරුල්ලෝ දෙන්නෙක් ම එක ගලෙන් එලා ගැනීමේ චේතනාවත් ඒකකය.

ඒ දෙවැනි ඇරියස් එක නම් "වෙනස" එක්ක කරන ඇරියස් කවර් කරන එකය.

ඒ කියන්නේ අවුරුදු දෙදාස් පන්සීයක රෙද්දේ සිංහල බෞද්ධ ඉතිහාසෙට සංස්කෘතියට වඩා වෙනස් වෙන ඕනෑම දෙයකට විරුද්ධ වෙන සිස්ටම් එකය.

ඕක ඉරාජ් ට විතරක් ගිය සුමානේ ඉඳන් මූණ දෙන්න වෙන සීන් එකක් නොවේය.

ජාතික ගීයට වඩා පොඩ්ඩක් වෙනස් සින්දු හද හද හිටපු කලේ අලුත් සින්දු හදපු අමරදෙවටත්,

අමරදේවගේ සින්දු වලට රහ වැටිලා ඉන්න කාලේ සිංහල පොප් කල්චර් එක හදාපු ක්ලැරන්ස් ටත්, ක්ලැරන්ස් ගේ සින්දු වලට වහ වැටුණු කාලෙදී ප්‍රින්ස් උදය ප්‍රියන්ත ලාටත් රෝයි පීරිස් ලාටත්, ඊට පස්සේ භාතිය සන්තුස් ලාටත් මූණ දෙන්න වුනේ ඔය ප්‍රබුද්ද ඇරිල්ල ට මය.

එදා භාතියලාට ඇරපු උන් අතර ලයනල් රන්වලලා , වික්ටර් රත්නයකල වගේ ලෙජන්ඩ්ස් ලා හිටපු හැටි තාම අපිට නම් අමතක නැත.

ඔය සීන් එක තියෙන්නේ කලාවේ විතරක් නොවේය.

පට්ට ප්‍රබුද්ධ පත්තර අතර මල් පත්තර හඳුන්වා දීපු බන්දුල පද්මකුමාර මුහුණ දුන්නෙත්,  මේ රට අයිතියි කියලා හිතන් ඉන්න වලව් හතරෙන්  පිට රටේ නායකත්වය ගත්තු ප්‍රේමදාස ට එදත්, මෛත්‍රීපාලට අදත් මූණ දෙන්න වුනේ, වෙලා තියෙන්නේ ඔන්න ඔය සීන්කෝන් එකටමය.

ශ්‍රී ලංකාව කියන අවාසනාවන්ත රට ඇතුලේ ඕනෑම තැනක සිටුවේෂන් එක ඔහොමමය.

මේ ළිං ගෙම්බන්ට වෙනස පේන්න බැරිය. 

ඒ වෙන මක්කාවත් නිසා නොව වෙනස් වෙන්න වෙන්න ලිඳේ බැමි කඩා වැටෙන නිසාය. 

ලිඳේ බැමි කඩා වැටෙනවා කියන්නේ තව වැඩිපුර ඉරඑලිය ලිඳ ඇතුලට වැටෙන්න පටන් ගන්නවා කියන එකය.

ලිඳ ඇතුලට වැඩිපුර එලිය වැටෙන්න වැටෙන්න ලිඳේ රාජ්‍යය එලියට පේන්න ගන්න ගන්න ලිඳේ ජීවිතය අදට වඩා හෙට සැහැල්ලුවෙන එක වලක්වන්න බැරිය.

එහෙම වෙනකොට මෙච්චර කල් ලිඳ සරෙන්ඩර් කරන හිටපු සිවුරු වලට, ලෝගු වලට, කපටි සූට් වලට යන එන මං නැතිවන එක අනිවා ය. ඩෙෆා ය.

එදා වික්ටර් ට බැනපු මඩ ගහපු සේරමත් අද එකට එකතු වෙලා ඉරාජ් ට ගහන්නේ ඒ නිසාය.

"දැනුනා" වීඩියෝ එකට විතරක් නොව චංචලා, ගේමක් දීලා, සිල් බිඳ ගත්තු, ගිනියම් රෑ , ආශාවරී වගේ ඉරාජ් හදපු හැම වීඩියෝ එකටම මූණ දෙන්න වුනේ ඔය සංස්කෘතික මඩ ප්‍රහාරය ටය.

රෙද්ද පොඩ්ඩක් ඉස්සුන හෝ පාත් වුන ගමන්, කකුලේ තව අඟලක් වැඩිපුර පෙනිච්ච ගමන් , ලිප් කිස් එකක් දැකපු ගමන් පිස්සු හැදෙන මානසිකත්වයක් තියෙන මේ වගේ ගොබ්බ දූපතකට ඉරාජ් වගේ මිනිස්සු අමුතු දෙයක් කරලා පෙන්නන කොට රෙද්දේ පහවෙන එක පුදුම වෙන්න දෙයක් නොවය.

මොනා වුනත් මොකා මොක කිව්වත් එදා වික්ටර් වගේම අද ඉරාජ් ද  සැලුනේ නැත. 

භාතිය ලා වගේම ඕන පුකක් ප්‍රීති වෙසක් කියාගෙන උගේ ගමන ඌ දිගටම යන බව පේන්න ඇත.

ඉරාජ් ටත් , ඉරාජ් වගේ වෙනසක් කරන්න උණ තියෙන අනිත් හැමෝටම කියන්න තියෙන්නේ මෙන්න මේ ටිකය.

උඹලා වැරදි නැත.

එත් උඹලා ඉපදිලා තියෙන්නේ වැරදි ප්ලේස් එහෙකය.

එත් මතක තියා ගනිල්ලා පොලව ඇදයි කියලා පෙන්නේ නටන්න බැරි මිනිස්සුන්ට විතර්ය.

ඒ නිසා මේ ගූබ්බ සංස්කෘතිය කුඩු කරන්න පුළුවන් ඕන දෙයක් පුළු පුළුවන් හැටියට දෙයක් කරනවා නම් දවසක මේ අටමගුල නැති බන්ගස්ඨාන වෙලා  යන එක ෂුවර් ය.

ඉරාජ්, මචෝ.

උඹේ ගේම් එකට මම නම් සුභ පතනවා ය.

උඹේ මාකටින් නම් අති පට්ට ය. පට්ටේනුත් හොඳම එකය.

කියන්න තියෙන එකම දෙ නම් "වීඩියෝ එඩිටින්" තව ටිකක් ඉගෙන ගනින් කියන එකය.

 

එකත් හැදුනු දාට ආයේ උඹේ ඕනෑම වීඩියෝ එකක් දැනෙන එකවලක්වන්නබැරිය. 

 

මේ එක්කම අපේ මාතලන් මේ ගැන දාපු මසුරන් වටිනා වචන සෙට් එකත් මතක් නොකරම බැරිය.

ඒ වගේම බ්ලොග් බොක්ක ඩ්‍රැකියා ත් මෙන්න මේ ටික බුකියේ කොටා තිබුණි.

ඉවර කරන්න කලින් ඔය බුකී ෂොට් ටික දැම්මේ ඒවායේ වචනයක් වචනයක් පාසා ඇත්ත නිසාය.

එහෙනම් ඉතින් අපි ගියා ය.

කාලෙකට පස්සේ බ්ලොගට එන්ටර් වුනාට පස්සේ දැනෙන මෙව්වා එක නම් ඇති ඉස්තරම් ය.