පෙරගමන්කරු නික්මුනේය.

 සුදු වෑන් ඇතුලේ ලියාපු මරණ  සහතික වලින්,
අනේකාකාර තර්ජන, ගර්ජන, බියවැද්දීම් වලින්
රටක් නිශ්ශබ්ද කර තිබුණු යුගයක ,

සහෝදර රෙජිමේ ඒකාධිපති වියරුවට විරුද්ධව මුලින්ම බය නැතිව හඬ අවදී කල,

දේශපාලුව , අවනීතිය නීතිගත වෙලා තිබ්බ යුගයක,
යහපාලනය කියන වචනය  රටේ දේශපාලන ශබ්ද කෝෂය ට  අලුතෙන් ඇතුල් කල,

වචන හරඹ වලින් රට හෙම්බත් වෙලා වල්මත් වෙලා තිබ්බ යුගයක,
යහපාලනය නිකම්ම වචනයක් නොව රටේම බලාපොරොත්තුවක් බවට පත් කල ,

ප්‍රජාතන්ත්‍රවාදයේ වෙස් අරගෙන ෆැසිස්ට්වාදය රට වෙලාගත් යුගයක,
තව එකෙක් එනතුරු බලා නොසිට
රට ට යහපාලනය, සාධාරණ සමාජය ලබා දීමට ස්වේච්චාවෙන් නායකත්වය දුන්න,

මඩ, අපහාස, චරිත ඝාතන හතර වටින්ම එද්දීත්
යහපාලනය , සාධාරණත්වය වෙනුවෙන්
රටේම මහජන සිවිල් බලය
මිනීමරු රෙජිමෙකට විරුද්ධව පෙළගැස්වීමට
මරණ සහතිකය අතෙන් අරගෙනත්, නොබියව නායකත්වය දුන්න,

පිස්සු රජෙක් හිටි රටට
අලුත් නායකයෙක් පහළ කරවීමේ සටනේ පෙරමුණ ගත්ත,
වල්මත් වෙලා අතරමං වෙලා හිටි රට 
අලුත්ගමනක ට  පෙරමග සූදානම් කල,

විප්ලවය හීනයක් වෙලා තිබුණු යුගයක,
ලේ සෙලවීමකින් තොරව ,
නිහඬ විප්ලවයක් වෙනුවෙන් සමාජය සූදානම් කල,
එය ජයග්‍රහණය කිරීමට සමාජය ට ශක්තියක්, දිරියක්  වුනු,

විප්ලවයේ ජයග්‍රහණය , වටිනාකම රැකගන්නත්,
හදපු අලුත් නායකත්වය හරි පාරේ යවන්නත් ,
එහි වැරදි පවා  විවේචනය කරන්න නිර්භීත වෙච්ච 

තමන්ට නොව
රටට අවශ්‍ය මොහොතේ ,
රටේ අවශ්‍යතාවය වෙනුවෙන්
නොබියව ඉදිරිපත් වුනු,

මෑත කාලීන ඉතිහාසයේ
දේශයේ අසහාය පෙරගමන්කරු,

අප අතරින් නික්ම ගියේය...
















හිමියනි,
ඉතින් ,
අපේ එකම පැතුම,

ඔබට නිවන් සුව...